ka rōz būd ardawān kanīzag xwāst ud kanīzag pad gyāg nē būd.
که روز بود اردوان کنیزگ خواست اود کنیزگ پد گیاگ نی بود.
Sentence: 2 stōrbān mad, ō ardawān guft kū: ardaxšīr abāg 2 bārag ī ašmā nē pad gyāg ast.
استوربان مد، او اردوان گوفت کو: اردخشیر اباگ دو بارگی اشما نی پد گیاگ است.
Sentence: 3 ud ardawān dānist kū: kanīzag ī man abāg ardaxšīr wirēxt ud šud.
اود اردوان دانیست کو: کنیزگی من اباگ اردخشیر ویریخت اود شود.
Sentence: 4 ud ka-š āgāhīh az ganǰ ašnūd dil hangrūdag kard,
اود کش آگاهیه از گنج اشنود دیل هنگرودگ کرد.
Sentence: 5 u-š axtarmārān sālār xwāst ud guft kū: zūd bāš ud be niger tā ān wināhgār abāg ān ǰeh ī rōspīg
kadām gyāg šud ud kay šāyēm griftan.
اوش اخترمران سالار خواست اود گوفت کو: زود باش اود بنیگر تا آن ویناهگار اباگ آن جهی روسپیگ کدام گیاگ شود اود کی شایم گریفتن؟
Sentence: 6 axtarmārān sālār zamān handāxt ud pad passox ō ardawān guft kū: māh az kaywān ud wahrām
*wirēzēd, ō ohrmazd ud tīr paywast ud xwadāy ī mayān ī asmān azēr brēh ī mihr ēstēd,
اخترمران سالار زمان هنداخت اود پد پاسخ او اردوان گوفت کو: ماه از کیوان اود وهرام ویریزید، او اوهرمزد اود تیر پیوست اود خودای میانی آسمان ازیر بریهی میهر ایستید.
Sentence: 7 ud ēdōn paydāg kū ardaxšīr wirēxt ud šud u-š rōy ō kust ī pārs ast ud agar tā 3 rōz griftan nē šāyēd pas az ān griftan nē tuwān.
اود ایدون پیداگ کو اردخشیر ویریخت اود شود اوش روی او کوستی پارس است اود اگر تا 3 روز گریفتن نی شاید پس از آن گریفتن نی تووان.
Sentence: 8 ardawān andar zamān spāh 4000 ārāst ud rāh ō pārs pay ī ardaxšīr grift ud ka nēmrōz būd ō gyāg rasīd kū rāh ī pārs ānōh widard,
اردوان اندر زمان اسپاه 4000 آراست اود راه او پارس پی ای اردخشیر گریفت اود که نیمروز بود او گیاگ رسید کو راهی پارس آنوه ویدارد.
Sentence: 9 u-š pursīd kū: ān 2 aswār ī ō ēn kust rōn āmad čē zamān bē widard *hēnd?
اوش پورسید کو: آن 2 اسواری او این کوست رون آمد چی زمان بیویدردند؟
Sentence: 10 mardōmān guft kū: bāmdād ka xwaršēd tēγ abar āwurd ēdōn čiyōn wād ī *gardāg homānāg bē widašt *hēnd,
مردومان گوفت کو: بامداد که خورشید تیغ ابر آوورد ایدون چیون وادی گردگ هوماناگ بیویداشتند.
Sentence: 11 u-šān warrag-ēw abēr stabr az pas *hamē dawist, ī az ān nēkōgdar būdan nē šāyist.
اوشان وررگیو ابیر استبر از پس همی دویست، ای از آن نیکوگدر بودن نی شاییست.
Sentence: 12 dānēm kū tā nūn was frasang zamīg šud *hēnd u-tān griftan nē tuwān.
دانیم کو تا نون وس فراسنگ زمیگ شودهند اوتان گریفتن نی تووان.
Sentence: 13 ardawān hambun-iz nē pād ud awištāft.
اردوان همبون ایز نی پاد اود اویشتافت.
Sentence: 14 ka ō any gyāg-ēw mad az mardōmān pursīd kū: ān 2 aswār čē gāh bē widard hēnd?
که او انی گیاگیو مد از مردومان پورسید کو: آن دو اسوار چی گاه بیویدردهند؟
Sentence: 15 awēšān guft kū: nēmrōz ēdōn čiyōn *wādgirdag *hamē šud hēnd u-šān warrag-ēw hamwār *hamē raft.
اویشان گوفت کو: نیمروز ایدون چیون وادگیردگ همی شودهند اوشان وررگیو هموار همی رفت.
Sentence: 16 ardawān škuft sahist ud guft kū: hangār kū aswār ī dōgānag dānēm bē ān warrag čē sazēd būdan? u-š az dastwar pursīd.
اردوان اشکوفت سهیست اود گوفت کو: هنگار کو اسواری دوگانگدانیم بی آن وررگ چی سازید بودن؟ اوش از دستوار پورسید.
Sentence: 17 dastwar guft kū: ān xwarrah ī xwadāyīh ī ahanūz awiš nē rasīd, bē abāyēd kū be nixwārēm, šāyēd kū pēš kū ān xwarrah awiš rasēd šāyēm griftan.
دستوار گوفت کو: آن خوررهی خوداییهی اهنوز اویش نی رسید، بی اباید کو بنیخوریم، شایید کو پیش کو آن خورره اویش رسید شاییم گریفتن.
Sentence: 18 ardawān abāg aswārān saxt awištāft,
اردوان اباگ اسواران سخت اویشتافت.
Sentence: 19 ud rōz ī *dudīgar 70 frasang raft hēnd u-š kārwān grōh-ēw ō padīrag āmad,
اود روزی دودیگر 70 فراسنگ رفتهند اوش کاروان گروهیو او پدیرگ آمد.
Sentence: 20 ud ardawān az awēšān pursīd kū: ān 2 aswār kadām gyāg padīrag būd *hēnd?
اود اردوان از اویشان پورسید کو: آن دو اسوار کدام گیاگ پدیرگ بودهند؟
Sentence: 21 awēšān guft kū: mayān ī ašmā ud awēšān zamīg 30 frasang,
اویشان گوفت کو: مایان ای اشما اود اویشان زمیگ 30 فراسنگ،
Sentence: 22 u-mān ēdōn sahist kū ēk az awēšān aswārān warrag-ēw ī was wuzurg ud čābuk abāg-aš pad asp nišast ēstād.
اومان ایدون سهیست کو ایک از اویشان اسواران وررگیو ای وس ووزورگ اود چابوک اباگش پد اسپ نیشست ایستاد.
Sentence: 23 ardawān az dastwar pursīd kū: ān warrag ī-š abāg pad asp čē nimāyēd?
اردوان از دستوار پورسید کو: آن وررگیش اباگ پد اسپ چی نیماید؟
